မောင် ..
ဝေးနေဆဲနေ့ရက်လေးတွေမှာ နှလုံးသည်းပျက်ကြွေ၊ ပြီးတော့ မျက်ရည်လေးတွေလည်း နှင်းမြူတွေနဲ့အပြိုင် ဝေနေရတယ်။ အလွမ်းငွေ့လေးတွေ ထုထည်သိပ်သည်းမှုများလာတော့ ဝိုးတဝါးအိပ်မက်တွေနဲ့ မေ့ရင်ထဲက ရာသီဥတုလေးဟာ မှုန်မှုန်သုန်သုန်ရယ်။
အတူရှိနေမှ ပျော်ရွှင်တတ်အောင်၊ အတူမရှိနေချိန်မှာ လွမ်းမောတသစိတ်တွေနဲ့ ပြန်ဆုံကြမယ့်ရက်ကလေးတွေကို လက်ချိုးရေပြီး ရင်လှိုက်မောတတ်အောင် မောင် ပြုစားခဲ့တယ်။ သိနားလည်ဆင်ခြင်တတ်တဲ့ စိတ်ကိုရော၊ ခံစားချက်တွေမွေးဖွားရာ နှလုံးသားကိုပါ မောင်က မှိုင်းတိုက်ခဲ့ပြီးသားဖြစ်လို့ လွမ်းစိတ်တွေနဲ့ အားငယ်မိတဲ့အခါတိုင်း ပါးပြင်ထက်မှာ ပုလဲငွေဥတွေ မစုစေပါပဲ တိတ်တခိုးလေးသာ ရင်ထဲမှာ အခါခါ ငိုကြွေးမိတတ်ခဲ့ရတယ်။ မေ့ရင်ထဲမှာ စီးဆင်းနေတဲ့ မျက်ရည်မြစ်ငယ်လေးတစ်စင်းက တသွင်သွင်ပါပဲကွယ်။
