With Me Always

မောင် ..

ဝေးနေဆဲနေ့ရက်လေးတွေမှာ နှလုံးသည်းပျက်ကြွေ၊ ပြီးတော့ မျက်ရည်လေးတွေလည်း နှင်းမြူတွေနဲ့အပြိုင် ဝေနေရတယ်။ အလွမ်းငွေ့လေးတွေ ထုထည်သိပ်သည်းမှုများလာတော့ ဝိုးတဝါးအိပ်မက်တွေနဲ့ မေ့ရင်ထဲက ရာသီဥတုလေးဟာ မှုန်မှုန်သုန်သုန်ရယ်။

အတူရှိနေမှ ပျော်ရွှင်တတ်အောင်၊ အတူမရှိနေချိန်မှာ လွမ်းမောတသစိတ်တွေနဲ့ ပြန်ဆုံကြမယ့်ရက်ကလေးတွေကို လက်ချိုးရေပြီး ရင်လှိုက်မောတတ်အောင် မောင် ပြုစားခဲ့တယ်။ သိနားလည်ဆင်ခြင်တတ်တဲ့ စိတ်ကိုရော၊ ခံစားချက်တွေမွေးဖွားရာ နှလုံးသားကိုပါ မောင်က မှိုင်းတိုက်ခဲ့ပြီးသားဖြစ်လို့ လွမ်းစိတ်တွေနဲ့ အားငယ်မိတဲ့အခါတိုင်း ပါးပြင်ထက်မှာ ပုလဲငွေဥတွေ မစုစေပါပဲ တိတ်တခိုးလေးသာ ရင်ထဲမှာ အခါခါ ငိုကြွေးမိတတ်ခဲ့ရတယ်။ မေ့ရင်ထဲမှာ စီးဆင်းနေတဲ့ မျက်ရည်မြစ်ငယ်လေးတစ်စင်းက တသွင်သွင်ပါပဲကွယ်။



အတူတူရှိနေမယ်ဆို .. ငြိမ်းချမ်းသာယာနာပျော်ဖွယ်ရာကောင်းလှတဲ့ ပင်လယ်ကြီးရဲ့ အသက်တစ်ဖန် ပြန်လည်ရှုရှိုက်သံကို မောင် ကြားနိုင်မယ်။ မိုးရေစက်ကလေးတွေဟာ မေ့ခန္ဓာထက် နေရာလပ်မကျန်အောင် အငမ်းမရ နမ်းရှိုက်ကျီစယ်ကြတဲ့အခါ ရင်ထဲမှာ ဖူးငုံနေတဲ့ ပန်းခင်းကြီးတစ်ခုလုံး ဝေဝေဆာဆာ ပွင့်လန်းလာတာ မောင်မြင်ရမယ်။ အဲဒီနောက် ပင်လယ်လေပြေတိုးဝှေ့တဲ့အခါ အလိုက်သင့် ယိမ်းနွဲ့လှုပ်ရှားကခုန်နေမယ့် ပန်းကလေးတွေရဲ့ ရယ်သံလွင်လွင်လေးတွေဟာ မောင့်ရင်ခွင်ဦးထက်မှာ ပျံ့လွင့်လို့နေဦးမယ်။ သိပ်ကိုလှပသာယာနေမယ့် ကြည်ကြည်စင်စင် နေ့ကလေးတွေပါပဲ မောင်ရယ်။ မြင်ယောင်ခံစားကြည့်လှည့်ပါကွယ်။

အတူတူရှိနေတဲ့အခါ အချစ်တွေဟာ အချစ်တွေကို ထပ်တိုးဆင့်ပွားစေဦးမှာမို့ စက္ကန့်အသစ်တစ်ခုစီတိုင်းမှာ အသစ်အသစ်ဖြစ်လာတဲ့ အချစ်သစ်တွေနဲ့ ကမ္ဘာလောကကြီးကို အလှဆင်ထွန်းညှိနိုင်ကြမယ်။ ပျိုးပျိုးပျက်ပျက် လင်းလက်နေကြတဲ့ ကြယ်ကလေးတွေနဲ့အပြိုင် တလက်လက်တောက်ပနေမယ့် အချစ်ရည်ရွှန်းရွှန်းလဲ့လဲ့ မျက်ဝန်းလေးနှစ်စုံဟာ လိပ်ပြာငယ်ကလေးတွေလို တူယှဉ်တွဲလို့ အတောင်ပံတွေ တဖျတ်ဖျတ်ခတ်ရင်း ညခင်းကို တေးဆိုသိပ်နိုင်မယ်။ ပြီးတော့ ချစ်ကြည်နူးနေတဲ့ ချစ်သူနှစ်ဦးကိုကြည့်ပြီး ရှက်ပြုံးလေးပြုံးရင်း အလင်းဖြာနေရရှာမယ့် လမင်းရဲ့ အေးမြတဲ့ထွေးပွေ့မှုအောက်မှာ ချစ်အနမ်းတွေဝေဖြာရအောင် နှစ်သစ်မှာ မောင်ပြန်လာပါကွယ်။

အမြဲအတူရှိနေပေးပါ မောင်ရယ် .. ။ ။

(ရည်ရွယ်သူနှင့်အတူ ဘလော့မှမိတ်ဆွေများအားလုံး ပျော်ရွှင်ချမ်းမြေ့ဖွယ်ရာ နှစ်သစ်ကို ပိုင်ဆိုင်နိုင်ကြပါစေ။ နှစ်သစ်ရဲ့ နေ့ရက်သစ်ကလေးတွေတိုင်းမှာ စိတ်ချမ်းသာယာခြင်းအပေါင်းနှင့်ပြည့်စုံပြီး ဆန္ဒနဲ့ထပ်တူကျစွာ ဘဝနေ့ရက်များကို ဖြတ်သန်းနိုင်ကြပါစေလို့ ဆုမွန်ကောင်းတောင်းပါတယ်။ )

လေးစားစွာဖြင့်
မြတ်ပန်းနွယ်