၁။
ဒီဇင်ဘာသည် ကျွန်မတို့ မြို့နယ်လေးသို့ အကျည်းတန်စွာ၊ ရက်စက်စွာ၊ တုန်လှုပ်ချောက်ချားစွာ ဝင်ရောက်လာခဲ့လေသည်။
၂။
ရာသီဥတုတွေ ပြောင်းလဲဖောက်ပြန်ကုန်သည်မှာ အောက်တိုဘာလလယ်ရောက်ပြီဟေ့ဆိုလျှင် အနွေးထည်ထူထူ ဝတ်ဆင်ရလေ့ရှိသော ကျွန်မတို့ မြို့ကလေးသည် နိုဝင်ဘာလကုန်သွားသည့်တိုင်အောင
နံနက်စောစောနှင့် ညဉ့်လယ်ပိုင်းတွင် အေးသက်သက်လေး ဖြစ်နေတတ်သည်မှတပါး တစ်နေကုန် အိုက်စပ်စပ်။ နှင်းမြူတွေ ခြုံလွှမ်းနေသော နိုဝင်ဘာနံနက်ခင်းတို့သည် ကျွန်မတို့ မကြာခဏ ပြန်ပြောင်းပြောလေ့ရှိသည့် ငယ်ငယ်တုန်းကပေါ့ဆိုသည့် ခေါင်းစဉ်အောက်မှာသာ ရှိတော့သည်။ ယခုတော့ တန်ဆောင်မုန်းလ ကထိန်ပွဲတော်ကြီးသာ ပြီး၍သွားသည်။ ဘယ်မှာလဲ နှင်းမြူ၊ ဘယ်မှာလဲ အအေးဓါတ်၊ ဘုရားစူးရစေရဲ့၊ တကယ်ဆောင်းတွင်းပါ ဟု ကျိန်တွယ်ရတော့မလိုလို။
ယခုလည်းကြည့်။ နံနက်ခင်း ရောင်နီပင် မပျို့သေးခင် တဖွဲဖွဲမှသည် သည်းသည်းထန်ထန် ရွာလာသော မိုးက ဒီဇင်ဘာကို အကြိုထောက်သည်။ အိပ်ပျော်ဖို့ ကြိုးစားသော်လည်း အိပ်၍ မပျော်တော့ပြီမို့ မိုးဖွဲလေးတွေကို မှန်ပြတင်းမှ အသာ ချောင်းကြည့်လိုက်၏။ တိမ်ညိုတိမ်မည်းများက မကြာမီ မိုးတိတ်ဦးမည်မဟုတ်ဟု ပြောနေသည့်အလား။ အတင်းကျိတ်မှိတ်အိပ်ပျော်အောင် မကြိုးစားတော့ဘဲ အိပ်ရာမှ ထလာလိုက်သည်။
ဖေဖေ၊မေမေနှင့် ညီမလေးတို့က အိပ်မောကျနေဆဲ။
အောက်ထပ်ရောက်တော့ ခြံဝင်းတံခါးမှ မီးများကိုပိတ်ကာ ဧည့်ခန်းမီးကို ဖွင့်လိုက်သည်။ မောင်လေး အခန်းတံခါးကို အသာလှပ်ကာ ချောင်းကြည့်လိုက်တော့ သူက နှစ်နှစ်ခြိုက်ခြိုက် အိပ်ပျော်နေ၏။ မိုးအေးအေးနှင့် စောင်ခြုံကာ ကွေးနေအောင် အိပ်လို့နေလေသည်။
ရေချိုးခန်းဖက် ထွက်လာကာ မျက်နှာသစ် ကိုယ်လက်သန့်စင်ပြီး၊ တရားခွေဖွင့်ရန် စက်ဆီအသွား မီးက ဖျတ်ခနဲ ပျက်သွား၏။ တစ်နေရာရာမှာ လျှပ်စစ်ရှော့ခ် ဖြစ်ပြီလား မသိပါ။
မိုး သည်လောက်ရွာမှတော့ မီးပျက်တာ မဆန်းပါ ။ လေကြမ်းကြမ်းကလေးတိုက်လိုက်လျှင် မီးတွေ ပျက်သွားတတ်တာ၊ မိုးတွေ သည်းသည်းမည်းမည်းရွာလျှင် (တစ်ခါတစ်လေ ခပ်ဖွဲဖွဲလေး ရွာလျှင်ပင်) လျှပ်စစ်ရှော့ခ်ဖြစ်တတ်တာ၊ မိုးတွေဆက်တိုက်ရွာလျှင် မီးတွေ မလာတော့တာ သည်မြို့နယ်လေး တကယ်တော့ ကျွန်မတို့နိုင်ငံရဲ့ ထုံးစံပဲ မဟုတ်လား။
မီးပျက်သွားပြီမို့ တရားခွေလည်း ဖွင့်မရတော့ပါ။ ဝန်းကျင်တစ်ခုလုံးကလည်း အလင်းပျို့ရုံသာရှိသေးသည်မို့ ဘာကိုမှ လင်းလင်းရှင်းရှင်း မမြင်ရသေး။ လမ်းမထက်တွင်လည်း မိုးသံမှတစ်ပါး အခြားသံ မကြားရသေးချေ။ အရာအားလုံးသည် ရာသီမဟုတ် ရွာသွန်းနေသော မိုးရေများအောက်၌ တိတ်တဆိတ် အိပ်မောကျနေဆဲပင်။ ကျွန်မနှင့်အတူတူ နိုးထနေသူမှာ ဦးခေါင်းတည့်တည့် မျက်နှာကျက်မှ စုပ်ထိုးလိုက်သော အိမ်မြှောင်တစ်ကောင်သာ ရှိပေမည်။
အတင်းကြိုးစားပြီး ပြန်အိပ်လိုက်ရမလားဟု တွေးမိလိုက်ကာ ဖုန်းနာရီကို ကြည့်လိုက်တော့ နံနက် ၅နာရီကျော်ကျော်လေးသာ ရှိသေး၏။ အိပ်မည်ဆိုလျှင် အနည်းဆုံး တစ်နာရီခန့် ကောင်းကောင်း အိပ်လို့ ရဦးမည်။ သို့သော် ပြန်အိပ်လို့ မရတော့မှာ သေချာပြီးနောက် အိပ်ရာထက်တွင် လူးလွန့်ကာ အပျင်းထူနေရမည်ကို ကျွန်မက မနှစ်မြို့။ ထို့ကြောင့် ဘက်ထရီအားသွင်းထားသော စာကြည့်မီးကို ဖွင့်ကာ ဒိုင်ယာရီ စာရွက်များကို စာမျက်နှာအသစ်တစ်ခုဆီ ရောက်အောင် လှန်လိုက်ရင်း သုံးနေကျ ခရမ်းရောင် မှင်စို ဖောင်တိန်ကို ထုတ်ယူလိုက်သည်။
“ ဒီဇင်ဘာက ဆောင်းကို မိုးလေး တစ်ပြိုက်နှစ်ပြိုက်နဲ့ ကြိုတယ်။ ဆောင်းကလည်း ဆောင်းမပီ။ မိုးကလည်း အခါမဟုတ်ဘဲ ရွာလို့ကောင်းနေပါပေါ့။ ဆောင်းကြောင့် မအေးဘဲ မိုးကြောင့် စိမ့်လို့နေတဲ့ နံနက်ခင်းမှာ ကိုယ်တစ်ယောက်တည်း ယောင်ချာချာ။ ”
မြတ်ပန်းနွယ်
၁.၁၂.၂၀၁၂
နံနက် ၅နာရီ ၂၅ မိနစ်၊ စနေနေ့
ကောက်ကာငင်ကာ စိတ်ထဲမှာ ပေါ်လာသည့်အတိုင်း ရေးခြစ်လိုက်မိသည့် စာကြောင်းတွေက ခပ်ကြောင်ကြောင်။ ကိုယ်ရေးထားတာကို ပြန်ဖတ်ပြီး ကျွန်မ ပြုံးလိုက်မိသေးသည်။ ဘယ်လိုပဲဖြစ်ဖြစ် ကိုယ်ရေးထားသည့်စာကို ကိုယ်တာဝန်ယူရမည်ဆိုတော့ ထုံးစံအတိုင်း စာပိုဒ်လေးအောက်မှာ လက်မှတ်ထိုးလိုက်ပြီး ရက်စွဲ၊ နေ့ရက်နှင့် အချိန်ကို ရေးခြစ်လိုက်သည်။
၃။
မှိန်ပျပျ မီးရောင်အောက်တွင် ဒိုင်ယာရီစာမျက်နှာအဟောင်းများက
ဧည့်ခန်းကို ရှင်းလင်းပြီးနောက် မီးဖိုခန်းထဲ လှည်းကျင်းနေစဉ် မေမေနှင့် ညီမလေးတို့ နိုးလာကြသည်။ နံနက်စာအတွက် သားအမိ သုံးယောက် လုံးပန်းနေကြစဉ် ဖေဖေနှင့် မောင်လေးတို့ နိုးလာကာ၊ သူတို့တွေ ကိုယ်လက်သန့်စင်ပြီးချိန်၌ ကျွန်မတို့၏ ပူပူနွေးနွေး နံနက်စာလည်း အဆင်သင့် ဖြစ်နေလေပြီ။
၎။
ကျွန်မတို့၏ နံနက်စာက ရိုးစင်းသည်။ ထမင်းဖြူဖြူ ပူပူလေး ရှိသည်။ ကြက်သွန်နှင့်ရောမွှေကာ ကြော်ထားသော ကြက်ဥမွှေကြော်ရှိသည်။ ငရုတ်သီးစိမ်း၊ ပုဇွန်ခြောက်နှင့် ငါးပိအနည်းငယ်ရောကာ ထားသည့် ငရုတ်သီးအစိမ်းထောင်းတစ်ခွက်ရှ
“ မနက်က ဘာလို့ အစောကြီး အောက်ဆင်းသွားတာလဲ၊ ပြန်တက်လာဦးမယ် မှတ်နေတာ”
ဖေဖေက ငရုတ်သီးထောင်းတစ်ဇွန်းကို သူ့ပန်းကန်ထဲ ခပ်ထည့်ရင်း မေး၏။
“ အစက ပြန်တက်လာဦးမို့ ဖေဖေ။ နောက် မအိပ်ချင်တော့တာနဲ့ အောက်မှာပဲ ဟိုလုပ်သည်လုပ် လုပ်နေလိုက်တာ ”
“ သြော် အဲဒါကြောင့် တရားခွေ ဖွင့်ပြီး နာနေတာလား ”
“ ဟုတ်တယ် ဖေဖေ.. ဒါပေမယ့် မီးက ပျက်သွားသေးတယ်။ ဖွင့်မို့လုပ်နေတုန်း မီးပျက်သွားလို့ မီးပြန်လာအောင် စောင့်လိုက်ရသေးတယ် ”
“ ဟဲဟဲ.. တို့မြို့ မီးကတော့ သည်လိုပဲ ”
မေမေက ရယ်ကျဲကျဲဖြင့် ဝင်ထောက်သည်။ မေမေ့ စကားပင် မဆုံးသေး၊ မီးပျက်သွားပြန်လေသည်။
“ဟာ”
“ ပြောရင်းဆိုရင်း ပျက်ပြန်ပြီ ”
“ ဟုတ်ပါ့ ဟုတ်ပါ့ ”
မိုးစဲစပြုပြီဖြစ်သဖြင့် ပတ်ဝန်းကျင်တစ်ခွင်သည် အာရုံဦးနေရောင်ခြည်အောက်တွင် ပီပီပြင်ပြင် လင်းကျင်းလာ၏။ ကိုယ့်ပန်းကန်ထဲ တစ်ဇွန်းခပ်ထည့်စားလိုက်၊ သူ့ပန်းကန်ထဲ ခပ်ထည့်ပေးလိုက်နှင့် ကျွန်မတို့ မိသားစု၏ နံနက်စာ ထမင်းဝိုင်းမှာ နွေးထွေးစွာ ပြီးဆုံးသွားသည်။ ထို့နောက် ကော်ဖီခွက်ကြီးကို တစ်ယောက်လက် တစ်ယောက်ကမ်းကာ တစ်ယောက်တစ်ကျိုက်စီ လက်ပြောင်းလဲသောက်ကြရင်း စကားစမြည် ပြောဖြစ်ကြပြန်သည်။
“ မိုးကလည်း ခုရက်ရွာပိုင်း ရွာနေတယ်နော်၊ တကယ်ဆို ဆောင်းဝင်ပြီး ချမ်းသင့်ပြီ ”
ကျွန်မက ညည်းညည်းညူညူဆိုမိတော့ မောင်လေးက-
“ ဟိုးတုန်ကဆို ဒီလို မနက်ခင်းမျိုးမှာ စကားပြောရင် ပါးစပ်က အငွေ့တွေထွက်နေပြီ ”
မောင်လေးပြောတာလည်း ဟုတ်သည်။ ကျွန်မတို့ ငယ်စဉ်က ဒီလို ဆောင်းနံနက်မျိုးတွေမှာ မောင်နှမတစ်တွေ ဆွယ်တာအကျီထူထူကြီးတွေဝတ်ပြီး အိမ်ရှေ့မှာ မီးလှုံရင်း ပြောင်းဖူးတွေ၊ ထန်းပင်မြစ်တွေ ဖုတ်စားခဲ့ကြဖူးသည်။ အဲသည်တုန်းက စကားပြောလိုက်တိုင်း အခိုးငွေ့တွေက ပါးစပ်မှ ထွက်နေတာကို မြင်ခဲ့ကြရသည်။
“ တကယ်တော့ သည်မိုးက ကထိန်ပွဲတုန်းက ရွာရမယ့် မိုး။ ကထိန်မိုး။ နောက်ကျပြီး အခုမှ ရွာနေတာ။ ဒီမိုးကုန်ပြီးရင်တော့ စချမ်းပြီ ”
မိုးစဲသွားပြီဖြစ်သော အပြင်ဖက်ကို လှမ်းငေးနေရင်း ဖေဖေက ဆိုသည်။
“ ဟုတ်တယ်။ ဒီမိုးပြီးသွားရင်တော့ တစ်လပိုင်းကုန် နှစ်လပိုင်းအလယ်လောက်ထိ အေးပြီ ”
ရေနွေးခွက်တွေထဲ ရေနွေးလိုက်ငှဲ့နေသော မေမေက ဖေဖေ့စကားကို ထောက်ခံလိုက်၏။ ထို့နောက် ကျွန်မတို့ကို ရေနွေးခွက်တစ်ခွက်စီ ကမ်းပေးသည်။
ရေနွေးပူပူလေးတွေ မှုတ်သောက်ရင်း ရောက်တတ်ရာရာ စကားတွေပြောနေကြစဉ် အိမ်ရှေ့မှာ ဆိုင်ကယ်တစ်စီး လာရပ်သံကို ကြားလိုက်ရ၏။
“ လျှပ်စစ်က လူတွေ ဖျူ့စ် လာဆက်ပြီ ”
အိမ်ရှေ့ကို လှမ်းကြည့်လိုက်တော့ လျှပ်စစ်မှ ဝန်ထမ်းတစ်ယောက် ထရန်စဖော်မာအိုးပေါ် တက်ဖို့ပြင်နေသည်။ အိမ်ရှေ့တွင် ကျွန်မတို့ နေထိုင်သော ဗဟိုရပ်ကွက်၏ ထရန်စဖော်မာအိုးရှိ၏။
“ မီးပြန်လာတော့မယ် ”
မီးပြန်လာတော့မှာမို့ ကျွန်မတို့ ပျော်နေကြသည်။
“ မီးလာရင် စိမ့်နေခြည် သီချင်းလေးဖွင့်ဟေ့ ”
ဖေဖေက သူ့အကြိုက်ခွေကို ဖွင့်ခိုင်းသည်။
“ အဲတာဆို အဲခွေထဲက ရင်တွင်းဆု သီချင်းလေး အရင်ဖွင့်ပါဟယ်။ မမကြီးက အဲတာလေးကြိုက်လို့”
မောင်လေးက အမြဲတမ်း သီချင်း ထဖွင့်တတ်သူ ဖြစ်သဖြင့် ကျွန်မက တောင်းဆိုလိုက်တော့ သူက သာသာနှင့်နာနာနှက်ကာ စကားတစ်ခွန်း တုန့်ပြန်ပြောသည်။
“ မမကြီး မကြိုက်တာလေးများ ရှိရင် ပြောပါဦးဗျာ ”
သူ့စကားကြောင့် ကျွန်မမှာ ရယ်ရအခက်၊ ငိုရအခက်။
ကျွန်မတို့ မိသားစု ရယ်မောနေကြစဉ် ထိုလျှပ်စစ်မှသူက အိမ်ဝိုင်းထဲ ဝင်လာသည်။ ထို့နောက် အိမ်ရှေ့တံခါးတွင် ရပ်ကာ “ အစ်ကိုကြီး ကျွန်တော် ရုံးကို ဖုန်းခေါ်ချင်လို့ဗျ ” ဟု ပြောသည်။
“ ဟေ့ရောင်.. ၂သိန်းတန်ဖုန်းတွေ ထွက်နေတာ ကြာပြီ။ ဝယ်မကိုင်သေးဘူးလားကွ။ ဘာလဲ ငါးထောင်တန် ဖုန်းကဒ်စောင့်နေတာလား ”
ဖေဖေက စနောက်လိုက်တော့ သူက ဟက်ဟက်ပက်ပက် ရယ်ရင်း “ဝယ်ပါတယ် အစ်ကိုကြီးရာ။ စောနတုန်းက မိုးရွာနေတာနဲ့ ထားခဲ့တာပါ ” ပြော၏။
ဟိုးယခင် လက်ကိုင်ဖုန်းများ ပေါပေါသီသီ ခေတ်မစားခင်တုန်းက လျှပ်စစ်မှသူများသည် မီးကြိုးဆက်ပြီးနောက် ကျွန်မတို့အိမ်မှ ဖုန်းကို သုံးကာ လျှပ်စစ်ရုံးကို အကြောင်းကြားပြီး မိန်းခလုတ် ပြန်တင်ခိုင်းလေ့ရှိ၏။ ထို့ကြောင့် လျှပ်စစ်မှ လူအများစုနှင့် ဖေဖေနှင့်က ဘော်ဒါများ ဖြစ်နေလေသည်။
သူ ဖုန်းမချရသေးမှီပင် မီးပြန်လင်းလာခဲ့သည်။
“ ဘယ်လိုလဲကွ။ မိုးရွာတာ တစ်ညပဲရှိသေးတယ်။ မီးက ပျက်ပြီ ”
ဖေဖေက စနောက်ပြန်တော့ သူက ရယ်ချည်းနေသည်။
“ ဟိုး အရှေ့ဘက်က အိုးတွေမှာ ကြိုးတွေ ရှုပ်ယှက်ခတ်နေလို့ အစ်ကိုကြီးရ။ အဲကနေ ရှော့ခ်ဖြစ်ပြီး တစ်မြို့လုံး ပျက်သွားတာ။ ခု အရှေ့ကို တစ်ခေါက်ပြန်ကြည့်လိုက်ဦးမယ်။
“ဟင် ဒါဆို ပျက်ဦးမှာပေါ့ ”
“ ဟုတ်တယ် အစ်ကိုကြီး။ အရှေ့ကို လုပ်ပြီးရင် ဒီဖက်ကို ပြန်လာခဲ့မယ်။ အဲတာပြီးရင်တော့ ရပြီ။ တစ်နေကုန် မပျက်တော့ဘူး ”
ပြောပြောဆုိုဆိုဖြင့် ထွက်သွားသော သူ့ ကျောပြင်ကို ဘာရယ်မဟုတ် ကျွန်မ ငေးနေခဲ့မိသည်။
“ ကဲ ကဲ.. မီးက ပြန်ပျက်ဦးမှာဆိုတော့ စိမ့် မနေခြည် နဲ့ဦး။ ကြားလား၊ အဖေကြီး.. အဆက်ဟောင်းကြီးသီချင်းကို ပြီးမှ နားထောင်တော့ ”
စိမ့်နေခြည် သီချင်းကို ခဏခဏ ဖွင့်ခိုင်းတတ်သော ဖေဖေ့ကို စနောက် စောင်းပြောလိုက်သော မေမေ့ စကားကြောင့် ကျွန်မတို့ မောင်နှမ သုံးယောက် ဝိုင်းရယ်ကြ၏။ ဖေဖေကတော့ “ မင်းကွာ ” ဆိုပြီး ပြုံးနေလေသည်။
၅။
ကျွန်မတို့ မိသားစု ဖေဖေပြောပြသော လက်ပန်းတောင်းတောင် ကိစ္စဝိစ္စများ၊ မျက်ရည်ယိုဗုံးတင်မကဘဲ မီးလောင်ဗုံးများပါ သုံးသည့်အကြောင်းများကို နားထောင် ငြင်းခုန်နေကြစဉ် စောစောတုန်းက လူ ပြန်ရောက်လာ၏။ သူတစ်ယောက်တည်းတော့ မဟုတ်။ သူနှင့်အတူ အဖော်တစ်ယောက် ပါလာသည်။ အရှေ့အိုးမှာ ကြိုးဆက်နေခဲ့သော သူ ဖြစ်ရမည်။
“ ဖုန်းထပ်ဆက်ဦးမယ် အစ်ကိုကြီးရေ .. ”
ဖုန်းခေါ်နေသော်လည်း ဖုန်းဝင်ပုံမရ။ နှစ်ခေါက်၊ သုံးခေါက်လောက် ဆက်တိုက် ခေါ်နေတာကို တွေ့ရသည်။ ထို့နောက် စိတ်ပျက်လက်ပျက်ဟန်ဖြင့် ဖုန်းကို ပြန်ချလိုက်ပြီး လိုင်းမအားဖြစ်နေတယ်ဗျ ဆို၏။
“ ဘယ်လိုလဲ.. အကုန်ကောင်းသွားပြီလား ”
“ အရှေ့အိုးမှာ ကြိုးတွေက ရှုပ်နေတာ။ ဘယ်ကြိုးက ဘယ်စက်ရုံကမှန်းလည်း သေသေချာချာက မသိ။ အဲဟာတွေကနေ ရှော့ခ်တွေဖြစ်ပြီး တစ်မြို့လုံး ပျက်နေတာဆိုတော့ ကျွန်တော်လည်း ကြိုးတွေအကုန်လုံးကို ဖြတ်ခဲ့လိုက်တယ်။ ကြိုးအချောင်း ၂၀လောက် ရှိမယ် ထင်တယ်။ နောက် သူတို့ လှမ်းခေါ်တော့မှ ပြန်လိုက်ဆက်ပေးတော့မယ်။ အဲလိုမှပဲ လောလောဆယ်မှာ ကျန်တဲ့ အိုးတွေကို မီးလွှတ်ပေးလို့ ရမှာ။”
သူ့ အပြောကို အဖော်ပါလာသူက ခေါင်းလေး တညိတ်ညိတ်နှင့် ထောက်ခံ၏။
သူက ပြောလည်းပြော၊ ဖုန်းလည်း ထပ်ကာထပ်ကာ နှိပ်ကြည့်နေရာ နောက်ဆုံးတော့ ဖုန်းဝင်သွားခဲ့လေသည်။
“ ဟဲလို .. ဟုတ်ကဲ့ အစ်ကို။ ညီလေး ကြိုးတွေ ပြန်လုပ်ပြီးသွားပြီ။ အရှေ့အိုးကိုတော့ ကြိုးတွေ ညှိပြီး ရှုပ်နေတာမို့ ခဏဖြတ်ခဲ့လိုက်တယ်။ အဲတာ အခု ဗဟိုအိုးကို ဖျူ့စ်ပြန်ဆက်ပေးလိုက်ဦးမယ်။ ခဏရှိရင် အချိန်မှန်းပြီးတော့ အစ်ကို အဲဖက်ကနေ မိန်းပြန်တင်လိုက်တော့နော်။ ညီလေး ဖုန်းပြန်မဆက်တော့ဘူး။ ရုံးရောက်မှ ဆက်တော့မယ် ”
သူ့ စကားကြောင့် ကျွန်မစိတ်ထဲတွင် ထင့်ခနဲ တစ်ချက် ဖြစ်သွားမိ၏။ ဖေဖေကတော့ ချက်ချင်း ဝင်ဟန့်လေသည်။
“ ဟေ့ရောင်. ပြီးသွားရင် ဖုန်းပြန်ဆက်မယ် ပြောလေကွာ။ အဲကျမှ မိန်းပြန်တင်ပါစေပေါ့။ ဘယ်နှယ့်.. ဒီကြားထဲ ဖွင့်ချလိုက်ရင် ခက်ကုန်တော့မယ်။ သေချာလုပ်ဦး ”
ဖေဖေ့ စကားကြောင့် နောက်လူက သူ့ကို လက်တို့၏။ သူက ခေါင်းအသာငြိမ့်ပြကာ စကားပြင်ပြောမည်ဟန်ပြင်စဉ် တစ်ဖက်က ဖုန်းချသွားသည် ထင်၏။ သူက တယ်လီဖုန်းကို ဖုန်းခွက်ပေါ် အသာပြန်တင်လိုက်သည်။
“ ပြန်ခေါ်လေကွာ ”
“ ရပါတယ် အစ်ကိုကြီးရာ။ ညီလေး ပြန်မခေါ်တော့ပါဘူး။ .. အခုချက်ချင်းပဲ ပြေးဆက်လိုက်မယ်။ ကျေးဇူးပါ အစ်ကိုကြီးရာ။ ညီလေး သွားပြီနော် ”
ခပ်သွက်သွက် နှုတ်ဆက်ကာ အပြေးတပိုင်း ထွက်သွားသော သူ့ ပုံစံအမူအရာနှင့် စကားပြောဆိုသည့်ဟန်တို့မှာ အခါတိုင်းထက်များ ထူးခြားနေသလား။ ရုတ်တရက် ကျွန်မရင်ထဲ ထင့်ခနဲဖြစ်သွားသည်ဖြစ်ရာ ထိုအတွေးဆိုးတို့ကို လျှင်မြန်စွာ မောင်းထုတ်လိုက်ရသည်။
သို့သော်.. သိပ်မကြာလိုက်။
မကြာတာမှ ၃မိနစ်တောင် မကြာလိုက်။
အုန်းဆိုသော အသံဆိုးကြီးနှင့်အတူ အိမ်ရှေ့ရှိ ထရန်စဖော်မာအိုးကြီးမှာ မီးတွေပွင့်ထွက်သွားသည်ကို ကျွန်မတို့ အားလုံး ကြားလိုက်၊မြင်လိုက်ရလေသည်။
ကျွန်မတို့မိသားစု ရုတ်တရက် ကြောင်သွားသည်။ ထို့နောက်မှ ရှော့ခ်ဖြစ်ပြီဆိုသော အသိနှင့်အတူ သူတို့ ဆိုသော အသိများက တစ်ပြိုင်တည်းလိုလို ဝင်လာကြသည် ထင်ပါ၏။ ကျွန်မတို့အကုန်လုံး အိမ်ထဲမှ ကပျာကယာ ပြေးထွက်ကြည့်ကြလေသည်။
လျှပ်စစ်ဓါတ်အိုးပေါ်မှ နောက်ပြန်လန်ကျကာ ထရန်စဖော်မာအိုးကို ခတ်ထားသော သံပန်းချွန်များတွင် ချိတ်မိနေသော သူ့ကို မယုံကြည်နိုင်စွာ၊ ထိတ်လန့်ဖွယ်ရာ တွေ့လိုက်ရ၏။ သူ့အဖော်မှာ သွေးရူးသွေးတန်းဖြင့် ကျွန်မတို့ ခြံဝန်းထဲ ပြေးဝင်လာလေသည်။
“ လျှပ်စစ်ရုံးကို မြန်မြန်ဆက် ”
ဖေဖေက အလျှင်အမြန် အော်ဟစ်သတိပေးလိုက်သည်။ ဖုန်းဝင်ဟန် မတူပါ။ ၂ခါ ၃ခါ ဆက်တိုက်ခေါ်ကြည့်ပြီး ပျာယာခတ်နေလေသည်။
“ သား .. လျှပ်စစ်မှူးဟန်းဖုန်းဆီ ဆက်လိုက် ”
မောင်လေးက သူ့ဟန်းဖုန်းဖြင့် လျှပ်စစ်မှူးဆီခေါ်စဉ် ကျွန်မနဲ့ မေမေကလည်း လူနာတင်ယဉ်ကို ဖုန်းဆက်ခေါ်ရသည်။ ထို့နောက် ရဲစခန်းကိုလည်း အကြောင်းကြားရသေး၏။
“ တစ်ယောက်မှ ထရန်စဖော်မာအိုးနဲ့ မကပ်နဲ့ဦး။ မိန်းခလုတ်မချရသေးဘူး။ အကုန် ဓါတ်လိုက်ပြီး သေကုန်လိမ့်မယ် ”
ဖေဖေ့ စကားသံနှင့်အတူ၊ အိမ်တွေထဲမှ ထွက်လာကာ ခြံဝန်းတံခါးများထိပ်တွင် ရပ်ကြည့်နေကြသူများအချင်းချင်း တစ်ယောက်တစ်ပေါက် အော်သစ်သံများက ကျွန်မတို့ ပတ်ဝန်းကျင်လေးတွင် ဆူညံပွက်လောရိုက်သွားသည်။
သံပန်းတွင် ချိတ်နေသော သူ့ ခန္ဓာကိုယ်မှာ မည်းချိတ်လောင်ကျွမ်းကာ အရေပြားများ လန်နေသည်ကို လှမ်းမြင်နေရ၏။ သေးသေးသွယ်သွယ် သူ့ ကိုယ်လုံးသည် ဖောင်းပွလျက် ရှိချေသည်။
မိန်းခလုတ်ချပြီးသွားပြီဆိုသည့်
ထိုစဉ် သူ့နဲ့အဖော်ပါလာသူ တစ်ယောက်သာ သတ္တိကောင်းစွာဖြင့် သူ့ဆီ ပြေးသွားကာ သူ့ကို အတင်းဆွဲချဖို့ ပြင်လေသည်။ ပါးစပ်မှလည်း လူအများကို ဝိုင်းဝန်းကူညီရန် အော်သစ်အကူအညီ တောင်း၏။
“ လာကြပါဦးဗျာ .. ဆွဲချကြပါဦးဗျာ ”
“ အသက်ငွေ့ငွေ့လေး ရှိပါသေးတယ်ဗျ ”
လူအများက စိတ်မကောင်းဖြစ်ကာ ကူညီနေချင်ကြသည့်တိုင်၊ အနားကို တဖြည်းဖြည်း တိုးကပ်သွားသည့်တိုင် မည်သူတစ်ဦးတစ်ယောက်ကမှ ရှေ့ထွက်ကာ သံပန်းတိုင်ထိပ်မှာ ချိတ်မိနေသည့် ခန္ဓာကိုယ်ကို ဖြုတ်ချရန် ကိုယ်ထိလက်ရောက် အကူအညီ မပေးရဲသေး။
သူ့သူငယ်ချင်းက အော်ဟစ်ငိုယိုကာ အကူညီတောင်းနေရာမှ သံပန်းတိုင်များကို လက်ဖြင့် ပြေးဆုပ်ကိုင်ကာ “ ဟောသည်မှာဗျာ .. ကျွန်တော် ကိုင်နေတာ သံပန်းပါ။ ဘာလျှပ်စစ်ဓါတ်မှ မရှိတော့ပါဘူး။ မိန်းခလုတ်လည်း ချလိုက်ပါပြီ။ ကျွန်တော့်ကို ကူကြပါ ” ဆိုတော့မှ ထိုသူကို သံပန်းတိုင်များမှ ဖြုတ်ချရန် ရပ်ကြည့်နေသူများမှ ဝိုင်းဝန်းကြိုးပမ်းကြတော့သည်။
ဖေဖေနှင့် မောင်လေးက အိမ်ရှေ့ထွက်ကာ ကူညီနေစဉ် ကျွန်မ၊ မေမေ နှင့် ညီမလေးတို့က ခပ်လှမ်းလှမ်းမှ ရပ်ကြည့်နေကြသည်။ ထရန်စဖော်မာအိုးပေါ်ရှိ တန်းတစ်ခုတွင် သူ ချွတ်ထားခဲ့သော သဲကြိုးအစိမ်းရောင်လေးနှင့် ဆင်ကြယ်ဖိနပ်အဖြူရောင်လေးကို မေမေက တိတ်တဆိတ် လက်ညှိုးထိုးပြသည်။ သစ်လွင်နေသေးသော ဖိနပ်ဖြူဖြူကလေးကို ငေးကြည့်နေရင်း ကျွန်မ မျက်ဝန်းတွင် မျက်ရည်များက ဝေ့ဝဲတက်လာသည်။ သူ့ကို သံတိုင်များထက်မှ ဖြုတ်ချလိုက်နိုင်ပါပြီ။
အဆင်သင့်စောင့်နေသော လူနာတင်ကားပေါ် သူ့ကို ခက်ခဲစွာ တင်ခေါ်သွားကြပြီးနောက် အိပ်အပေါ်ထပ်သို့ ကျွန်မ ပြေးတက်လာခဲ့မိသည်။
ဘုရားစင်ရှေ့တွင် လက်အုပ်ချီမိုးရင်း သူ့အတွက် ဆုတောင်းမေတ္တာပို့ကာ ငြိမ်ငြိမ်သက်သက်နေရင်း စိတ်ကိုဖြေလျော့နေမိသည်။
သူ ..။
လောလောလတ်လတ်ကလေးကပင် စကားစမြည် ပြောဆိုကာ ရယ်မောနေခဲ့သည့်သူ ..။
အခုတော့ သူ့ ကံကြမ္မာကို မည်သူမှ မသိနိုင်သေး။
ဘုရားတပည့်တော်မ ပြုပြုခဲ့ဖူးသမျှ ကုသိုလ်ကောင်းမှူအစုစုတို့ကိ
ဆုတောင်းမေတ္တာပို့သပြီးနောက် အောက်ထပ်သို့ ဆင်းလာကာ ထရန်စဖော်မာအိုးဖက် လှမ်းမျှော်ကြည့်မိသည်။
ရုတ်ရုတ် ရုတ်ရုတ်နှင့် ဝိုင်းနေသော လူများလည်း စဲသွားကြပြီ။ လျှပ်စစ်ရုံးမှ လူများလည်း ရောက်နေကြပြီး ထရန်စဖော်မာအိုးအတွင်း သန့်ရှင်းရေးလုပ်နေကြသည်။ လူတစ်ယောက်ကတော့ အိမ်ရှေ့အုတ်ကန်မှာ သူ့ပုဆိုးမှ သွေးများကို ဆေးကြောနေလေသည်။ ရေပုံးတွေ တစ်ပုံးပြီးတစ်ပုံးဖြင့် ရေလာခပ်ကာ ထရန်စဖော်မာအိုးဝန်းကျင်ရှိ သွေးများကို သန့်ရှင်းအောင် ဆေးကြောနေကြသည့် မြင်ကွင်းမှာ ဝမ်းနည်းကြေကွဲစရာ။ ရဲများလည်း ရောက်လာကြပြီဖြစ်ရာ မှတ်တမ်းတင် ဓါတ်ပုံများ ရိုက်ယူနေကြသည်။
သူ့ဖိနပ်ကလေးကို လှမ်းကြည့်လိုက်တော့ အဲသည်နေရာလေးမှာပဲ ရှိနေသေး၏။ အတန်ကြာတော့မှ မှတ်တမ်းတင် ဓါတ်ပုံရိုက်နေသော ရဲတစ်ယောက်က သတိပြုမိပြီး လက်ညှိုးညွှန်ပြကာ တက်ယူခိုင်းတော့ လျှပ်စစ်ရုံးမှ ဝန်ထမ်းတစ်ယောက်က တက်ယူရလေသည်။
ဆေးရုံသို့ လိုက်သွားခဲ့သော ဖေဖေ ပြန်ရောက်လာတော့ လူနာအခြေအနေကို ပြောပြသည်။
“ သတိတော့ ပြန်လည်လာပြီ။ ပူလွန်း နာလွန်းလို့ပေါ့ကွာ.. ဝူးဝူးဝါးဝါး အော်နေတယ်။ သနားပါတယ်။ သိလား။ ပေါင်တစ်ဖက်ကလည်း ၃ပိုင်းတောင် ကျိုးသွားတယ်တဲ့။ ငှက်ပျောရွက်တွေ သွားရှာတဲ့သူလည်း သွားရှာပေါ့ကွာ။ အခုတော့ မန်းလေးကို သယ်သွားကြပြီ။ အဲတာလည်း ချက်ချင်း မသွားဘဲ လူစုံအောင် စောင့်နေရသေးတယ်။ တကယ်ဆို မန်းလေးကို တစ်ခါတည်း မောင်းသွားကြပါလား.. ခုတော့ ဟိုလူစောင့် သည်လူစောင့်နဲ့အချိန် မကုန်သင့်ဘဲ ကုန်တာပေါ့ကွာ ”
ဖေဖေက မျက်စိမျက်နှာ မကောင်းစွာဖြင့် ပြောပြနေ၏။
သူ သတိရလာပြီ ကြားတော့ တော်ပါသေးရဲ့ ဟု အောက်မေ့မိသည်။ သို့သော် နာကျင်မှု ဝေဒနာကို သိစိတ်နှင့် ခံစားနေရမည့်အဖြစ်ကို တွေးကြည့်ရမည်ကိုပင် ကျွန်မ စိတ်ထဲမှာ မကောင်း။ ရင်ထဲမှာ မချိ။ ငါသာဆိုလျှင်ဆိုပြီး ဆက်မတွေးရဲအောင် ဖြစ်ရသည်။
ဆန့်သောလက် မကွေးမှီ၊ ကွေးသောလက် မဆန့်မှီ ဆိုသော စကားသည် သိပ်ပြီး မှန်ကန်ပါလားဟု ဆင်ခြင်မိသည်။ ယခု ပြုံးနေသော်လည်း နောင်မိနစ် အနည်းငယ်အတွင်း ကြုံတွေ့ရင်ဆိုင်ရမည့် ကံကြမ္မာကို ကျွန်မတို့ အားလုံး မသိနိုင်။ ထို အသိကို ယခု လက်ငင်းချက်ချင်းပင် ကြုံတွေ့ သင်ယူလိုက်ရ၏။
အိမ်အနီးနားပတ်ဝန်းကျင်တွင် ထို သူ အကြောင်းကို တစ်ယောက်တစ်ပေါက် ပြောဆိုနေသံများက ဆူညံနေဆဲဖြစ်သည်။ ထို အသံများကြောင့် ကျွန်မ ရင်တွေ တလှပ်လှပ်တုန်လာသည့်အပြင် မူးဝေ၍ လာသည်။ ထို့ကြောင့် အိမ်ထဲရှိ ပြန်ဝင်ထိုင်ကာ သံဗုဒ္ဓေဂါထာတော်မြတ်ကို ရွှတ်ဖတ်သရဇ္ဇယ်နေမိသည်။
ထိုစဉ်မှာပင် အိမ်ရှေ့သို့ လျှပ်စစ်ရုံးမှ လူတစ်ယောက်လာရပ်ပြီး ဖေဖေ့ကို စကားလှမ်းပြောလေသည်။
“ အစ်ကိုရေ.. သူ ဆုံးပြီ ”
မယုံနိုင်စရာ ထိုစကားကို ကြားလိုက်ရတော့ ကျွန်မ နားများကို လက်နှစ်ဖက်ဖြင့် အုပ်လိုက်မိသည်။ ဒါ တ ကယ် ဖြစ် နေ တာ လား ..။
“ ဟာ.. စောနလေးကတင် ကျွန်တော့်ရှေ့ မှာ သူ အော်ပြီး ညည်းနေသေးတာပါ။ ခု မန်းလေးသွားနေတာလေ ”
“ဟုတ်တယ် အစ်ကို။ ဒါပေမယ့် အခု လမ်းကနေ ပြန်လှည့်လာကြပြီ ”
“ သနားလိုက်တာဗျာ။ ဒါ မသေသင့်ဘဲ သေရတာ”
“ဟုတ်တယ်… ဒါ လျှပ်စစ်တွေ စဆင်ကတည်းက စနစ်တွေ မကျခဲ့လို့။ မိုးရွာရင် ရှော့ခ်တွေ ထ ထ ဖြစ်တာ။ ကျွန်တော်တို့လည်း သိသိကြီးနဲ့ လုပ်နေရတာပဲ။ အသက်ကို ဖက်နဲ့ ထုပ်ထားရတဲ့ အလုပ်ဗျ”
“”
“”
ဖေဖေတို့ အချေအတင် ပြောဆိုနေသော စကားများကို ကျွန်မ မကြားနိုင်တော့ပါ။ ကြားနိုင်စွမ်းလည်း မရှိတော့ပါ။
ကျွန်မ နားထဲတွင် အုန်း ခနဲ အော်မြည်သွားသော ရှော့ခ်ဖြစ်သံနှင့် အတူ ပြုံးနေသေည့်သူ့ မျက်နှာကိုသာ မြင်ယောင်လျက်။
၆။
နံနက်တုန်းက အငြိုးတကြီး ရွာသွန်းခဲ့သော မိုးနှင့်အတူ ရက်စက်စွာ ဝင်ရောက်ခဲ့သော ဒီဇင်ဘာသည် အခုတော့လည်း သူ မဟုတ်တော့သည့်အလား မှုန်မှိုင်း ငြိမ်သက်လို့နေသည်။
သွေးအေးသူတစ်ယောက်၏ အေးစက်ခြင်းမျိုးနှင့် နေ့လည်ခင်းမှာလည်း အေးတိစက်အေးစက်။ တိမ်ညို တိမ်မည်းများ ကင်းစင်သွားသည့်တိုင်အောင် ကောင်းကင်မှာ အုံ့ဆိုင်းနေသေးသည်။ အလင်းရောင်ရှိသော်လည်း နွေးထွေးမှု မရှိ။ နေရောင်ခြည်ကို မမြင်ရ။ ပသာဒ မဖြစ်လိုက်လေခြင်း။ ဒီဇင်ဘာက ရက်စက်လွန်းပါသည်။
ကဲ.. လူတစ်ယောက်၏ အသက်နှင့်သွေးကို ရက်စက်စွာ စုပ်ယူပြီးမှ ဖွင့်လှစ်လိုက်သော ဒီဇင်ဘာကို ရက်စက်သည်ဟု မဆိုလျှင် မည်သို့ ဆိုရတော့မည်နည်း။
လေးစားခြင်းဖြင့်
မြတ်ပန်းနွယ်
(လွန်ခဲ့သော နှစ်နှစ်ခန့်က ကိုယ်တွေ့ ဖြစ်ရပ်တစ်ခုကို ပြန်လည်ခံစား ရေးဖွဲ့ထားပါတယ်။)
No comments:
Post a Comment